Pejna Barane

Kamran Simo Hedilî bi romana xwe ya Pejna Barane berê xwîneran dide rabirduya Zîro yan jî Serdar. Her çi qas roman serpêhatiya mirovekî bixwiyê jî di heman demê de behsa aliyên balkês ên serdemeke gelek girîng dike. Ku hê jî ev serdem bi awayê xwe yê herî dijwar tê jiyan. Têkosîn, evînî, dildarî, hevalbendî... Yanî jiyan bi xwe hatiye pênasekirin bi zimanekî helbestî...

"Tipetipa peskên baranê yên li camê diketin mina dengê tiliyên Biharê yên dema zarokiyê ku gazî leyîstikê dikir, hat guhên wî. Bi kelecana zarokî serê xwe bi aliyên pêjna baranê jê hatî ve zîvirand. Li peskên barana ku xwe li camê didan nêrî. Awirên wî li ser peskên barana ku hûrik hûrik li cama pencera jûra wî diketin û bi aramî li ser camê disemitîn bi ken sekinîn."